Kanakadhara Stotram
कनकधारा स्तोत्रम्
The celebrated 21-verse hymn composed by Adi Shankaracharya invoking Goddess Mahalakshmi, which miraculously caused a shower of golden Amla fruits to remove the poverty of an impoverished, righteous woman.
Chanted on Fridays, Diwali, and Akshaya Tritiya to dissolve debts, eliminate financial destitution, and invoke the enduring, benevolent grace of Goddess Mahalakshmi.
Shloka
अङ्गं हरेः पुलकभूषणमाश्रयन्ती भृङ्गाङ्गनेव मुकुलाभरणं तमालम्। अङ्गीकृताखिलविभूतिरपाङ्गलीला माङ्गल्यदास्तु मम मङ्गलदेवतायाः॥१॥
Aṅgaṁ hareḥ pulakabhūṣaṇamāśrayantī bhṛṅgāṅganeva mukulābharaṇaṁ tamālam | Aṅgīkṛtākhilavibhūtirapāṅgalīlā māṅgalyadāstu mama maṅgaladevatāyāḥ || 1 ||
मुग्धा मुहुर्विदधती वदने मुरारेः प्रेमत्रपाप्रणिहितानि गतागतानि। माला दृशोर्मधुकरीव महोत्पले या सा मे श्रियं दिशतु सागरसंभवायाः॥२॥
Mugdhā muhurvidadhatī vadane murāreḥ prematrapāpraṇihitāni gatāgatāni | Mālā dṛśormadhukarīva mahotpale yā sā me śriyaṁ diśatu sāgarasaṁbhavāyāḥ || 2 ||
आमीलिताक्षमधिगम्य मुदा मुकुन्दमानन्दकन्दमनिमेषमनङ्गतन्त्रम्। आकेकरस्थितकनीनिकपक्ष्मनेत्रं भूत्यै भवेन्मम भुजङ्गशयाङ्गनायाः॥३॥
Āmīlitākṣamadhigamya mudā mukundamānandakandamanimeṣamanaṅgatantram | Ākekarasthitakanīnikapakṣmanetraṁ bhūtyai bhavenmama bhujaṅgaśayāṅganāyāḥ || 3 ||
बाह्वन्तरे मधुजितः श्रितकौस्तुभे या हारावलीव हरिनीलमयी विभाति। कामप्रदा भगवतोऽपि कटाक्षमाला कल्याणमावहतु मे कमलालयायाः॥४॥
Bāhvantare madhujitaḥ śritakaustubhe yā hārāvalīva harinīlamayī vibhāti | Kāmapradā bhagavato'pi kaṭākṣamālā kalyāṇamāvahatu me kamalālayāyāḥ || 4 ||
कालाम्बुदालिललितोरसि कैटभारेर्धाराधरे स्फुरति या तडिदङ्गनेव। मातुर्ममस्तु जगतां महनीयमूर्तिर्भद्राणि मे दिशतु भार्गवनन्दनायाः॥५॥
Kālāmbudālilalitorasi kaiṭabhāredhārādhare sphurati yā taḍidaṅganeva | Māturmamāstu jagatāṁ mahanīyamūrtirbhadrāṇi me diśatu bhārgavanandanāyāḥ || 5 ||
प्राप्तं पदं प्रथमतः खलु यत्प्रभावात् माङ्गल्यभाजि मधुमाथिनि मन्मथेन। मय्यापतेत्तदिह मन्थरमीक्षणार्धं मन्दालसं च मकरालयकन्यकायाः॥६॥
Prāptaṁ padaṁ prathamataḥ khalu yatprabhāvāt māṅgalyabhāji madhumāthini manmathena | Mayyāpatettadiha mantharamīkṣaṇārdhaṁ mandālasaṁ ca makarālayakanyakāyāḥ || 6 ||
विश्वामरेन्द्रपदविभ्रमदानदक्षमानन्दहेतुरधिकं मुरविद्विषोऽपि। ईषन्निषीदतु मयि क्षणमीक्षणार्धमिन्दोवरोदरसहोदरमिन्दिरायाः॥७॥
Viśvāmarendrapadavibhramadānadakṣamānandaheturadhikaṁ muravidviṣo'pi | Īṣanniṣīdatu mayi kṣaṇamīkṣaṇārdhamindīvarodarasahodaramindirāyāḥ || 7 ||
इष्टा विशिष्टमतयोऽपि यया दयार्द्रदृष्ट्या त्रिविष्टपपदं सुलभं लभन्ते। दृष्टिः प्रहृष्टकमलोदरदीप्तिरिष्टां पुष्टिं कृषीष्ट मम पुष्करविष्टरायाः॥८॥
Iṣṭā viśiṣṭamatayo'pi yayā dayārdradṛṣṭyā triviṣṭapapadaṁ sulabhaṁ labhante | Dṛṣṭiḥ prahṛṣṭakamalodaradīptiriṣṭāṁ puṣṭiṁ kṛṣīṣṭa mama puṣkaraviṣṭarāyāḥ || 8 ||
दद्याद्दयानुपवनो द्रविणाम्बुधारामस्मिन्नकिञ्चनविहङ्गशिशौ विषण्णे। दुष्कर्मघर्ममपनीय चिराय दूरं नारायणप्रणयिनीनयनाम्बुवाहः॥९॥
Dadyāddayānupavano draviṇāmbudhārāmasminnakiñcanavihaṅgaśiśau viṣaṇṇe | Duṣkarmagharmamapanīya cirāya dūraṁ nārāyaṇapraṇayinīnayanāmbuvāhaḥ || 9 ||
गीर्देवतेति गरुडध्वजसुन्दरीति शाकम्भरीति शशिशेखरवल्लभेति। सृष्टिस्थितिप्रलयकेलिषु संस्थितायै तस्यै नमस्त्रिभुवनैकगुरोस्तरुण्यै॥१०॥
Gīrdevateti garuḍadhvajasundarīti śākambharīti śaśiśekharavallabheti | Sṛṣṭisthitipralayakeliṣu saṁsthitāyai tasyai namastribhuvanaikagurostaruṇyai || 10 ||
श्रुत्यै नमोऽस्तु शुभकर्मफलप्रसूत्यै रत्यै नमोऽस्तु रमणीयगुणार्णवायै। शक्त्यै नमोऽस्तु शतपत्रनिकेतनायै पुष्ट्यै नमोऽस्तु पुरुषोत्तमवल्लभायै॥११॥
Śrutyai namo'stu śubhakarmaphalaprasūtyai ratyai namo'stu ramaṇīyaguṇārṇavāyai | Śaktyai namo'stu śatapatraniketanāyai puṣṭyai namo'stu puruṣottamavallabhāyai || 11 ||
नमोऽस्तु नालीकनिभाननायै नमोऽस्तु दुग्धोदधिजन्मभूम्यै। नमोऽस्तु सोमामृतसोदरायै नमोऽस्तु नारायणवल्लभायै॥१२॥
Namo'stu nālīkanibhānanāyai namo'stu dugdhodadhijanmabhūmyai | Namo'stu somāmṛtasodarāyai namo'stu nārāyaṇavallabhāyai || 12 ||
नमोऽस्तु हेमाम्बुजपीठिकायै नमोऽस्तु भूमण्डलनायिकायै। नमोऽस्तु देवादिदयापरायै नमोऽस्तु शार्ङ्गयुधवल्लभायै॥१३॥
Namo'stu hemāmbujapīṭhikāyai namo'stu bhūmaṇḍalanāyikāyai | Namo'stu devādidayāparāyai namo'stu śārṅgayudhavallabhāyai || 13 ||
नमोऽस्तु देव्यै भृगुनन्दनायै नमोऽस्तु विष्णोरुरसि स्थितायै। नमोऽस्तु लक्ष्म्यै कमलालयायै नमोऽस्तु दामोदरवल्लभायै॥१४॥
Namo'stu devyai bhṛgunandanāyai namo'stu viṣṇorurasi sthitāyai | Namo'stu lakṣmyai kamalālayāyai namo'stu dāmodaravallabhāyai || 14 ||
नमोऽस्तु कान्त्यै कमलेक्षणायै नमोऽस्तु भूत्यै भुवनप्रसूत्यै। नमोऽस्तु देवादिभिरर्चितायै नमोऽस्तु नन्दात्मजवल्लभायै॥१५॥
Namo'stu kāntyai kamalekṣaṇāyai namo'stu bhūtyai bhuvanaprasūtyai | Namo'stu devādibhirarcitāyai namo'stu nandātmajavallabhāyai || 15 ||
सम्पत्कराणि सकलेन्द्रियनन्दनानि साम्राज्यदानविभवानि सरोरुहाक्षि। त्वद्वन्दनानि दुरिताहरणोद्यतानि मामेव मातुरनिशं कलयन्तु मान्ये॥१६॥
Sampatkarāṇi sakalendriyanandanāni sāmrājyadānavibhavāni saroruhākṣi | Tvadvandanāni duritāharaṇodyatāni māmeva māturaniśaṁ kalayantu mānye || 16 ||
यत्कटाक्षसमुपासनाविधिः सेवक्स्य सकलार्थसम्पदः। सन्तनोति वचनाङ्गमानसैस्त्वां मुरारिहृदयेश्वरीं भजे॥१७॥
Yatkaṭākṣasamupāsanāvidhiḥ sevakasya sakalārthasampadaḥ | Santanoti vacanāṅgamānasaistvāṁ murārihṛdayeśvarīṁ bhaje || 17 ||
सरसिजनिलये सरोजहस्ते धवलतरांशुकगन्धमाल्यशोभे। भगवति हरिवल्लभे मनोज्ञे त्रिभुवनभूतिकरि प्रसीद मह्यम्॥१८॥
Sarasijanilaye sarojahaste dhavalatarāṁśukagandhamālyaśobhe | Bhagavati harivallabhe manojñe tribhuvanabhūtikari prasīda mahyam || 18 ||
दिग्धस्तिभिः कनककुम्भमुखावसृष्टस्वर्वाहिनी विमलचारुजलप्लुताङ्गीम्। प्रातर्नमामि जगतां जननीमशेषलोकाधिनाथगृहिणीममृताब्धिपुत्रीम्॥१९॥
Digdhastibhiḥ kanakakumbhamukhāvasṛṣṭasvarvāhinī vimalacārujalaplutāṅgīm | Prātarnamāmi jagatāṁ jananīmaśeṣalokādhināthagṛhiṇīmamṛtābdhiputrīm || 19 ||
कमले कमलाक्षवल्लभे त्वं करुणापूरतरङ्गितैरपाङ्गैः। अवलोकय मामकिञ्चनानां प्रथमं पन्वयितुं दयाभिरामे॥२०॥
Kamale kamalākṣavallabhe tvaṁ karuṇāpūrataraṅgitairapāṅgaiḥ | Avalokaya māmakīñcanānāṁ prathamaṁ panvayituṁ dayābhirāme || 20 ||
स्तुवन्ति ये स्तुतिभिरमूमिरन्वहं त्रयीमयीं त्रिभुवनमातरं रमाम्। गुणाधिका गुरुतरभाग्यभागिनो भवन्ति ते भुवि बुधभाविताशयाः॥२१॥
Stuvanti ye stutibhiramūbhiranvahaṁ trayīmayīṁ tribhuvanamātaraṁ ramām | Guṇādhikā gurutarabhāgyabhāgino bhavanti te bhuvi budhabhāvitāśayāḥ || 21 ||
समापन दोहा (Concluding Doha)
सुवर्णधारास्तोत्रं यच्छङ्कराचार्यनिर्मितम्। त्रिसंध्यं यः पठेन्नित्यं स कुबेरसमो भवेत्॥
Suvarṇadhārāstotraṁ yacchaṅkarācāryanirmitam | Trisaṁdhyaṁ yaḥ paṭhennityaṁ sa kuberasamo bhavet ||
Whoever recites this Suvarna Dhara (Kanakadhara) Stotram composed by Adi Shankaracharya at the three junctions of the day (morning, noon, and evening) achieves prosperity and abundance like Kubera, the treasurer of the Devas.
Frequently Asked Questions
What is the origin story of Kanakadhara Stotram?
While begging for alms as a young Brahmachari, Adi Shankaracharya visited an impoverished home where the devout woman had nothing to offer except a single withered gooseberry (Amla). Moved by her extreme poverty and pure devotion, Shankara spontaneously composed the Kanakadhara Stotram to Goddess Lakshmi, who caused a rain of pure golden gooseberries into the house.
When is the best time to chant Kanakadhara Stotram?
Chanting it during Brahma Muhurta or at dusk on Fridays, Shukla Paksha days, Diwali, Dhanteras, and Akshaya Tritiya while lighting a cow ghee lamp facing East or North is considered most auspicious.