Mahishasura Mardini Stotram (Aigiri Nandini)

अयि गिरिनन्दिनि नन्दितमेदिनि विश्वविनोदिनि नन्दसुते गिरिवरविन्ध्यशिरोऽधिनिवासिनि विष्णुविलासिनि जिष्णुनुते। भगवति हे शितिकण्ठकुटुम्बिनि भूरिकुटुम्बिनि भूरिकृते जय जय हे महिषासुरमर्दिनि रम्यकपर्दिनि शैलसुते॥१॥

Ayi girinandini nanditamedini viśvavinodini nandasute Girivaravindhyaśiro'dhinivāsini viṣṇuvilāsini jiṣṇunute | Bhagavati he śitikaṇṭhakuṭumbini bhūrikuṭumbini bhūrikṛte jaya jaya he mahiṣāsuramardini ramyakapardini śailasute || 1 ||

सुरवरवर्षिणि दुर्धरधर्षिणि दुर्मुखमर्षिणि हर्षरते त्रिभुवनपोषिणि शङ्करतोषिणि किल्बिषमोषिणि घोषरते। दनुजनिकोषिणि दितिसुतरोषिणि दुर्मदशोषिणि सिन्धुसुते जय जय हे महिषासुरमर्दिनि रम्यकपर्दिनि शैलसुते॥२॥

Suravaravarṣiṇi durdharadharṣiṇi durmukhamarṣiṇi harṣarate Tribhuvanapoṣiṇi śaṅkaratoṣiṇi kilbiṣamoṣiṇi ghoṣarate | Danujanikoṣiṇi ditisutaroṣiṇi durmadaśoṣiṇi sindhusute jaya jaya he mahiṣāsuramardini ramyakapardini śailasute || 2 ||

अयि जगदम्ब मदम्ब कदम्बवनप्रियवासिनि हासरते शिखरि शिरोमणि तुङ्गहिमालय शृङ्गिनिजालय मध्यगते। मधुमधुरे मधुकैटभभञ्जिनि कैटभभञ्जिनि रासरते जय जय हे महिषासुरमर्दिनि रम्यकपर्दिनि शैलसुते॥३॥

Ayi jagadamba madamba kadambavanapriyavāsini hāsarate Śikhari śiromaṇi tuṅgahimālaya śṛṅganijālaya madhyagate | Madhumadhure madhukaiṭabhabhañjini kaiṭabhabhañjini rāsarate jaya jaya he mahiṣāsuramardini ramyakapardini śailasute || 3 ||

अयि शतखण्ड विखण्डितरुण्ड वितुण्डितशुण्ड गजाधिपते रिपुगजगण्ड विदारणचण्ड पराक्रमशुण्ड मृगाधिपते। निजभुजदण्ड निपातितखण्ड विपातितमुण्ड भटाधिपते जय जय हे महिषासुरमर्दिनि रम्यकपर्दिनि शैलसुते॥४॥

Ayi śatakhaṇḍa vikhaṇḍitaruṇḍa vituṇḍitaśuṇḍa gajādhipate Ripugajagaṇḍa vidāraṇacaṇḍa parākramaśuṇḍa mṛgādhipate | Nijabhujadaṇḍa nipātitakhaṇḍa vipātitamuṇḍa bhaṭādhipate jaya jaya he mahiṣāsuramardini ramyakapardini śailasute || 4 ||

अयि रणदुर्मद शत्रुवधोदित दुर्धरनिर्जर शक्तिभृते चतुरविचार धुरीणमहाशिव दूतकृत प्रमथाधिपते। दुरितदुरीह दुराशयदुर्मति दानवदूत कृतान्तमते जय जय हे महिषासुरमर्दिनि रम्यकपर्दिनि शैलसुते॥५॥

Ayi raṇadurmada śatruvadhodita durdharanirjara śaktibhṛte Caturavicāra dhurīṇamahāśiva dūtakṛta pramathādhipate | Duritadurīha durāśayad叩rmati dānavadūta kṛtāntamate jaya jaya he mahiṣāsuramardini ramyakapardini śailasute || 5 ||

अयि शरणागत वैरिवधूरह संभ्रमसंपद नूनुकृते सकलकलोल दलोलदृशामर सम्भ्रमसम्मद सूनुकृते। कनकपिशङ्ग पृषत्कनिषङ्ग रसद्भटशृङ्ग हतावटुके जय जय हे महिषासुरमर्दिनि रम्यकपर्दिनि शैलसुते॥६॥

Ayi śaraṇāgata vairivadhūraha saṃbhramasaṃpada nūnukṛte Sakalakalola daloladṛśāmara sambhramasammada sūnukṛte | Kanakapiśaṅga pṛṣatkaniṣaṅga rasadbhaṭaśṛṅga hatāvaṭuke jaya jaya he mahiṣāsuramardini ramyakapardini śailasute || 6 ||

अयि निजहुङ्कृतिमात्रनिराकृत धूम्रविलोचन धूम्रशते समरविशोषित शोणितबीज समुद्भवशोणित बीजलते। शिवशिवशुम्भ निशुम्भमहाहव तर्पितभूत पिशाचरते जय जय हे महिषासुरमर्दिनि रम्यकपर्दिनि शैलसुते॥७॥

Ayi nijahuṅkṛtimātranirākṛta dhūmravilocana dhūmraśate Samaraviśoṣita śoṇitabīja samudbhavaśoṇita bījalate | Śivaśivaśumbha niśumbhamahāhava tarpitabhūta piśācarate jaya jaya he mahiṣāsuramardini ramyakapardini śailasute || 7 ||

धनुरनुषङ्ग रणक्षणसङ्ग परिस्फुरदङ्ग नटत्कटके कनकपिशङ्ग पृषत्कनिषङ्ग रसद्भटशृङ्ग हताबटुके। कृतचतुरङ्ग बलक्षितिरङ्ग घटद्बहुरङ्ग रटद्बटुके जय जय हे महिषासुरमर्दिनि रम्यकपर्दिनि शैलसुते॥८॥

Dhanuranuṣaṅga raṇakṣaṇasaṅga parisphuradaṅga naṭatkaṭake Kanakapiśaṅga pṛṣatkaniṣaṅga rasadbhaṭaśṛṅga hatābaṭuke | Kṛtacaturaṅga balakṣitiraṅga ghaṭadbahuraṅga raṭadbaṭuke jaya jaya he mahiṣāsuramardini ramyakapardini śailasute || 8 ||

सुरललना ततथेयि तथेयि कृताभिनयोदर नृत्यरते कृत कुकुथः कुकुथो गडदादिकताल कुतूहल गानरते। धुधुकुट धुक्कुट धिंधिमित ध्वनि धीर मृदङ्ग निनादरते जय जय हे महिषासुरमर्दिनि रम्यकपर्दिनि शैलसुते॥९॥

Suralalanā tatatheyi tatheyi kṛtābhinayodara nṛtyarate Kṛta kukuthaḥ kukutho gaḍadādikatāla kutūhala gānarate | Dhudhukuṭa dhukkuṭa dhiṃdhimita dhvani dhīra mṛdaṅga ninādarate jaya jaya he mahiṣāsuramardini ramyakapardini śailasute || 9 ||

जय जय जप्य जयेजयशब्द परस्तुति तत्पर विश्वनुते झणझणझिञ्झिमि झिङ्कृत नूपुरसिञ्जितमोहित भूतपते। नटित नटार्ध नटीपटु नायक नाटितनाट्य सुगानरते जय जय हे महिषासुरमर्दिनि रम्यकपर्दिनि शैलसुते॥१०॥

Jaya jaya japya jayejayaśabda parastuti tatpara viśvanute Jhaṇajhaṇajhiñjhimi jhiṅkṛta nūpurasiñjitamohita bhūtapate | Naṭita naṭārdha naṭīpaṭu nāyaka nāṭitanāṭya sugānarate jaya jaya he mahiṣāsuramardini ramyakapardini śailasute || 10 ||

अयि सुमनःसुमनःसुमनः सुमनःसुमनोहर कान्तियुते श्रितरजनी रजनीरजनी रजनीरजनीकर वक्त्रवृते। सुनयनविभ्रमर भ्रमरभ्रमर भ्रमरभ्रमराधिपते जय जय हे महिषासुरमर्दिनि रम्यकपर्दिनि शैलसुते॥११॥

Ayi sumanaḥsumanaḥsumanaḥ sumanaḥsumanohara kāntiyute Śritarajanī rajanīrajanī rajanīrajanīkara vaktravṛte | Sunayanavibhramara bhramarabhramara bhramarabhramarādhipate jaya jaya he mahiṣāsuramardini ramyakapardini śailasute || 11 ||

सहितमहाहव मल्लमतल्लिक मल्लितरल्लक मल्लिरते विरचितवल्लिक पल्लिकमल्लिक भिल्लशभिल्लिक वर्गवृते। सितकृतफुल्ल समुल्लसितारुण तल्लजपल्लव सल्ललिते जय जय हे महिषासुरमर्दिनि रम्यकपर्दिनि शैलसुते॥१२॥

Sahitamahāhava mallamatallika mallitarallaka mallirate Viracitavallika pallikamallika bhillaśabhillika vargavṛte | Sitakṛtaphulla samullasitāruṇa tallajapallava sallalite jaya jaya he mahiṣāsuramardini ramyakapardini śailasute || 12 ||

अविरलगण्ड गलन्मदमेदुर मत्तमतङ्गज राजपते त्रिभुवनभूषण भूतकलानिधि रूपपयोनिधि राजसुते। अयि सुदतीजन लालसमानस मोहन मन्मथराजसुते जय जय हे महिषासुरमर्दिनि रम्यकपर्दिनि शैलसुते॥१३॥

Aviralagaṇḍa galanmadamedura mattamataṅgaja rājapate Tribhuvanabhūṣaṇa bhūtakalānidhi rūpapayonidhi rājasute | Ayi sudatījana lālasamānasa mohana manmatharājasute jaya jaya he mahiṣāsuramardini ramyakapardini śailasute || 13 ||

कमलदलामल कोमलकान्ति कलाकलितामल भाललते सकलविलास कलानिलयक्रम केलिचलत्कल हंसकुले। अलिकुलसङ्कुल कुवलयमण्डल मौलिमिलद्बकुलालिकुले जय जय हे महिषासुरमर्दिनि रम्यकपर्दिनि शैलसुते॥१४॥

Kamaladalāmala komalakānti kalākalitāmala bhālalate Sakalavilāsa kalānilayakrama kelicalatkala haṃsakule | Alikukasaṅkula kuvalayamaṇḍala maulimiladbakulālikule jaya jaya he mahiṣāsuramardini ramyakapardini śailasute || 14 ||

करमुरलीरव वीजितकूजित कोकिलमञ्जुल मञ्जुमते मिलितपुलिन्द मनोहरगुञ्जित रञ्जितशैल निकुञ्जगते। निजगणभूत मनोज्ञगुणान्वित शैलसमुद्भव कान्तिसुते जय जय हे महिषासुरमर्दिनि रम्यकपर्दिनि शैलसुते॥१५॥

Karamuralīrava vījitakūjita kokilamañjula mañjumate Militapulinda manoharaguñjita rañjitaśaila nikuñjagate | Nijagaṇabhūta manojñaguṇānvita śailasamudbhava kāntisute jaya jaya he mahiṣāsuramardini ramyakapardini śailasute || 15 ||

कटितटपीत दुकूलविचित्र मयूखतिरस्कृत चन्द्ररुचे प्रणतसुरासुर मौलिमणिस्फुरदंशुलसन्नख चन्द्ररुचे। जितकनकाचल मौलिमदोर्जित निर्भरकुञ्जर कुम्भकुचे जय जय हे महिषासुरमर्दिनि रम्यकपर्दिनि शैलसुते॥१६॥

Kaṭitaṭapīta dukūlavicitra mayūkhatiraskṛta candraruce Praṇatasurāsura maulimaṇisphuradaṃśulasannakha candraruce | Jitakanakācala maulimadorjita nirbharakuñjara kumbhakuce jaya jaya he mahiṣāsuramardini ramyakapardini śailasute || 16 ||

विजितसहस्रकरैक सहस्रकरैक सहस्रकरैकनुते कृतसुरतारक सङ्गरतारक सङ्गरतारक सूनुनुते। सुरथसमाधि समानसमाधि समाधिसमाधि सुजातरते जय जय हे महिषासुरमर्दिनि रम्यकपर्दिनि शैलसुते॥१७॥

Vijitasahasrakaraika sahasrakaraika sahasrakaraikanute Kṛtasuratāraka saṅgaratāraka saṅgaratāraka sūnunute | Surathasamādhi samānasamādhi samādhisamādhi sujātarate jaya jaya he mahiṣāsuramardini ramyakapardini śailasute || 17 ||

पदकमलं करुणानिलये वरिवस्यति योऽनुदिनं सुशिवे अयि कमले कमलानिलये कमलानिलयः स कथं न भवेत्। तव पदमेव परम्पदमित्यनुशीलयतो मम किं न शिवे जय जय हे महिषासुरमर्दिनि रम्यकपर्दिनि शैलसुते॥१८॥

Padakamalaṃ karuṇānilaye varivasyati yo'nudinaṃ suśive Ayi kamale kamalānilaye kamalānilayaḥ sa kathaṃ na bhavet | Tava padameva parampadamityanuśīlayato mama kiṃ na śive jaya jaya he mahiṣāsuramardini ramyakapardini śailasute || 18 ||

कनकगलत्तकलल्ललितं रचयन्ति भजन्नयने सुलभे सरलविशालसुलोचनसङ्कुल शैलसुता भवने रतिदाम्। भवति दयालुदयेऽपि कृपाकलितं कुरुते च यदा स भवेत् जय जय हे महिषासुरमर्दिनि रम्यकपर्दिनि शैलसुते॥१९॥

Kanakagalattakalallalitaṃ racayanti bhajannayane sulabhe Saralaviśālasulocanasaṅkula śailasutā bhavane ratidām | Bhavati dayāludaye'pi kṛpākalitaṃ kurute ca yadā sa bhavet jaya jaya he mahiṣāsuramardini ramyakapardini śailasute || 19 ||

अयि मयि दीनदयालुदये कृपयैव त्वया भवितव्यमुमे अयि जगतो जननी कृपयासि यथासि तथानुमितासिरते। यदुकृतमेतदपाकृतमेव ममाशु कुरु प्रणमन्तनते जय जय हे महिषासुरमर्दिनि रम्यकपर्दिनि शैलसुते॥२०॥

Ayi mayi dīnadayāludaye kṛpayaiva tvayā bhavitavyamume Ayi jagato jananī kṛpayāsi yathāsi tathānumitāsirate | Yadukṛtametadapākṛtameva mamāśu kuru praṇamantana te jaya jaya he mahiṣāsuramardini ramyakapardini śailasute || 20 ||

॥ इति श्रीमच्छङ्कराचार्यविरचितं महिषासुरमर्दिनीस्तोत्रं सम्पूर्णम् ॥ जय जय हे महिषासुरमर्दिनि रम्यकपर्दिनि शैलसुते॥

|| Iti Śrīmacchaṅkarācāryaviracitaṃ Mahiṣāsuramardinīstotraṃ Sampūrṇam || Jaya jaya he mahiṣāsuramardini ramyakapardini śailasute ||