Sankat Mochan Hanuman Ashtak

बाल समय रबि भक्षि लियो तब, तीनहुं लोक भयो अँधियारो। ताहि सों त्रास भयो जग को, यह संकट काहु सों जात न टारो॥ देवन आनि करी बिनती तब, छाड़ि दियो रबि कष्ट निवारो। को नहिं जानत है जग में कपि, संकटमोचन नाम तिहारो॥

Bāla samaya rabi bhakṣi liyo taba, tīnahuṁ loka bhayo a~dhiyāro | Tāhi soṁ trāsa bhayo jaga ko, yaha saṅkaṭa kāhu soṁ jāta na ṭāro || Devana āni karī binatī taba, chāṛi diyo rabi kaṣṭa nivāro | Ko nahiṁ jānata hai jaga meṁ kapi, saṅkaṭamocana nāma tihāro ||

बालि की त्रास कपीस बसै गिरि, जात महाप्रभु पंथ निहारो। चौंकि महामुनि साप दियो तब, चाहिय कौन बिचार बिचारो॥ कै द्विज रूप लिवाय मिले तहँ, लछिमन को लखि सोच निवारो। को नहिं जानत है जग में कपि, संकटमोचन नाम तिहारो॥

Bāli kī trāsa kapīsa basai giri, jāta mahāprabhu paṁtha nihāro | Cauṁki mahāmuni sāpa diyo taba, cāhiya kauna bicāra bicāro || Kai dvija rūpa livāya mile taha~, lachimana ko lakhi soca nivāro | Ko nahiṁ jānata hai jaga meṁ kapi, saṅkaṭamocana nāma tihāro ||

अंगद के सँग लेन गए सिय, खोज कपीस यह बैन उचारो। जीवत ना बचिहौ हम सो जु, बिना सुधि लाये यहाँ पगु धारो॥ हेरि थके तट सिंधु सबे तब, लाय सिया-सुधि प्रान उबारो। को नहिं जानत है जग में कपि, संकटमोचन नाम तिहारो॥

Aṅgada ke sa~ga lena gae siya, khoja kapīsa yaha baina ucāro | Jīvata nā baci-hau hama so ju, binā sudhi lāye yahā~ pagu dhāro || Heri thake taṭa sindhu sabe taba, lāya siyā-sudhi prāna ubāro | Ko nahiṁ jānata hai jaga meṁ kapi, saṅkaṭamocana nāma tihāro ||

रावन जुद्ध अजान कियो तब, नाग कि फाँस सबै सिर डारो। श्रीरघुनाथ समेत सबै दल, मोह भयो यह संकट भारो॥ आनि खगेस तबै हनुमान जु, बंधन काटि सुत्रास निवारो। को नहिं जानत है जग में कपि, संकटमोचन नाम तिहारो॥

Rāvana juddha ajāna kiyo taba, nāga ki phā~sa sabai sira ḍāro | Śrī-raghunātha sameta sabai dala, moha bhayo yaha saṅkaṭa bhāro || Āni khagesa tabai hanumāna ju, bandhana kāṭi sutrāsa nivāro | Ko nahiṁ jānata hai jaga meṁ kapi, saṅkaṭamocana nāma tihāro ||

बान लग्यो उर लछिमन के तब, प्रान तजे सुत रावन मारो। लै गृह बैद्य सुषेन समेत, तबै गिरि द्रोण सुबीर उपारो॥ आनि संजीवन हाथ दई तब, लछिमन के तुम प्रान उबारो। को नहिं जानत है जग में कपि, संकटमोचन नाम तिहारो॥

Bāna lagyo ura lachimana ke taba, prāna taje suta rāvana māro | Lai gṛha baidya suṣena sameta, tabai giri droṇa subīra upāro || Āni saṁjīvana hātha daī taba, lachimana ke tuma prāna ubāro | Ko nahiṁ jānata hai jaga meṁ kapi, saṅkaṭamocana nāma tihāro ||

रावन जुद्ध अजान कियो तब, कोटि कुभंड कपीस उथारो। कुम्भकरन अरु मेघनाद सम, कालहु को नहिं भय उर धारो॥ युद्ध बिजय कियो कपिराय, सबै दल देखि प्रसन्न बिचारो। को नहिं जानत है जग में कपि, संकटमोचन नाम तिहारो॥

Rāvana juddha ajāna kiyo taba, koṭi kubhaṁḍa kapīsa uthāro | Kumbhakarana aru meghanāda sama, kālahu ko nahiṁ bhaya ura dhāro || Yuddha bijaya kiyo kapirāya, sabai dala dekhi prasanna bicāro | Ko nahiṁ jānata hai jaga meṁ kapi, saṅkaṭamocana nāma tihāro ||

महिरावन जब लै गयो पातालहि, बाँधि सबै दल कष्ट अपारो। देवन आनि पुकार करी तब, कौन सहाय करे दुख भारो॥ ताहि संहारि कपीस सबै जन, छाड़ि लियौ प्रभु काज सँवारो। को नहिं जानत है जग में कपि, संकटमोचन नाम तिहारो॥

Mahirāvana jaba lai gayo pātālahi, bā~dhi sabai dala kaṣṭa apāro | Devana āni pukāra karī taba, kauna sahāya kare dukha bhāro || Tāhi saṁhāri kapīsa sabai jana, chāṛi liyau prabhu kāja sa~vāro | Ko nahiṁ jānata hai jaga meṁ kapi, saṅkaṭamocana nāma tihāro ||

काज किये बड़ देवन के तुम, बीर महाप्रभु देखि बिचारो। कौन सो संकट मोर गरीब को, जो तुमसों नहिं जात है टारो॥ बेगि हरो हनुमान महाप्रभु, जो कछु संकट होय हमारो। को नहिं जानत है जग में कपि, संकटमोचन नाम तिहारो॥

Kāja kiye baṛa devana ke tuma, bīra mahāprabhu dekhi bicāro | Kauna so saṅkaṭa mora garība ko, jo tumasoṁ nahiṁ jāta hai ṭāro || Begi haro hanumāna mahāprabhu, jo kachu saṅkaṭa hoya hamāro | Ko nahiṁ jānata hai jaga meṁ kapi, saṅkaṭamocana nāma tihāro ||